Անձնազոհութեան եւ ծառայասիրութեան գաղափարի մարմնացումը հանդիսացող ամէնուն ընկեր Վարդան Կիրակոսեանը ոչ եւս է:
Արդարեւ երէկ առաւօտուն ընկերոջ մը ծառայութիւն մատուցելու պահուն, ելեկտրական հոսանքը հարուածեց ընկ. Վարդանի բարութեամբ փափախող սիրտը, անժամանակ վերջ տալով տակաւին այնքան սէր ու ծառայութիւն տալիք ունեցող մեր ընկերոջ երիտասարդ կեանքին:
Այս արեւուն տակ կեանքի ամէն դառնութիւնները ճաշակած ու յաղթահարած ընկեր Վարդանը անժամանակ ակնդարդի մը զոհը գնաց:
Լիբանանի ՌԱԿի եւ ԹՄՄի մեծ ընտանիքը կորսնցուց անփոխարինելի ընկեր մը, մինչ իր ընտանիքը՝ ազնիւ ու քաջ ամուսին մը, հայր մը, եղբայր մը, հարազատ մը, իսկ «Զարթօնք»ը իր պահապան հրեշտակը:
Ցաւակցութիւն եւ համբերութիւն ընկ. Վարդանին բոլոր հարազատներուն եւ ընկերներուն:
Ընկեր Վարդանի յիշատակը վառ պիտի մնայ բոլոր զինք սիրողներուն միտքին մէջ:
«Զ.»
