Ռուսիան (Ռուսաստանի Դաշնութիւն-ՌԴ) կ՛ընէ ամէն ինչ, որպէսզի որքան հնարաւոր է շուտ լուծուի Լեռնային Ղարաբաղի հակամարտութիւնը: Ինչպէս կը հաղորդէ «Արմէնփրես»ը վկայակոչելով ՌԴ արտաքին գործոց նախարարութեան պաշտօնական կայքը, այդ մասին տեղի ունեցած մամլոյ ասուլիսի ժամանակ յայտարարած է ՌԴ ԱԳՆ պաշտօնական ներկայացուցիչ Մարիա Զախարովան:
«Ռուսիան աշխուժօրէն ներգրաւուած է Լեռնային Ղարաբաղի հակամարտութեան կարգաւորման գործընթացին մէջ: Պաշտօնական Մոսկուան կը հանդիսանայ այդ գործընթացի գործօն մասնակիցը: Մենք կ՛ընենք անհրաժեշտ ամէն ինչ, որպէսզի որքան հնարաւոր է շուտ մօտեցնենք այդ խնդրի լուծումը», ըսած է Զախարովան:
