Հայ քաղաքական երեք կուսակցութիւններու ներկայացուցիչներու հերթական նիստը տեղի ունեցաւ երեքշաբթի, 10 մարտ 2015-ին, «Շաղզոյեան» կեդրոնին մէջ։
Ժողովը քննեց Լիբանանի քաղաքական եւ ապահովական ընդհանուր վիճակը եւ լիբանանահայ գաղութը յուզող հիմնախնդիրները։
Յատուկ օրակարգով, հայ քաղաքական կուսակցութիւններու ներկայացուցիչները քննարկեցին Հայոց Ցեղասպանութեան 100-ամեակի առիթով կազմակերպուած աշխատանքները եւ յատկապէս 23-24 Ապրիլ 2015-ին տեղի ունենալիք կեդրոնական ձեռնարկները` յանգելով համապատասխան որոշումներու։
