Երեքշաբթի, 21. 05. 2024

spot_img

Հալէպ Հայկական Թաղերը Դարձեալ Հրասանդերու Թիրախ. Կան Հայ Զոհեր Եւ Վիրաւորներ

Անցնող օրերուն սկիզբ առած բախումները շաբաթավերջին չդադրեցան Հալէպի հիւսիսային- գիւղական շրջաններուն մէջ: Նշենք, որ սուրիական բանակին եւ ընդդիմադիր Իսլամական Ճակատի ջոկատներուն միջեւ բախումները կեդրոնացած են յատկապէս Հանտարաթ աւանին մէջ:

Նախապէս ալ հաղորդած էինք, որ քաղաքի կեդրոնը գտնուող Պըսթան Գըլափ վաճառախանութներու շրջանը քանի մը օրէ ի վեր հրթիռակոծման թիրախ դարձած էր:

Արդարեւ, Շաբաթ օր շարունակուեցաւ հրթիռածոծումը: Թէեւ քանի մը հատը չպայթեցաւ յատկապէս թիլել շրջանի մուտքը (Պապ էլ-Ֆարաճի կողմէ), սակայն կէսօրուան Պըսթան Գըլափի շրջանի «Սանոսեաններու կառատունի տարածքը» դարձաւ հրթիռակոծման պայթումի թատերաբեմը:

Պայթումի հետեւանքով զոհուեցան 1970-ի ծնունդ Սագօ Գարակիւլլէեանը եւ 1981-ի ծնունդ Յարութ Ագսանեանը, իսկ վիրաւորներու կարգին կան նաեւ հայեր՝ Լեւոն Բարսեղեանը, Նազօ Ագսանեանը, Յովսէփ Չալօղլեանը, Աւօ Զարմինեանը եւ Ժագ Ասլանեանը: Այս մասին կը հաղորդէ «Բերիոյ նիւզ»-ը:

Պէտք է ըսել, թէ պայթումները նիւթական ծանր վնասներ պատճառեցին շրջանի ինքնաշարժներուն եւ խանութներուն։

Յայտնենք, որ Պըսթան Գըլափի շրջանի վաճառախանութներէն շատերը կը պատկանին հայերու:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին