Պաշտպանութեան բանակի տուեալներուն համաձայն, Յունուար 24-էն 25 ինկած ժամանակահատուածին, ղարաբաղա-ատրպէյճանական հակամարտ զօրքերու սահմանագծին վրայ, հակառակորդին կողմէ հրադադարը խախտուած է մօտ 800 անգամ, որուն ընթացքին տարբեր տրամաչափի հրաձգային զինատեսակներէ, ինչպէս նաեւ 60 մմ. ականանետերէ /79 արկ/ եւ ՌՊԳ /21/ ու ԱԳՍ /18/ տիպի նռնականետերէ՝ հայ դիրքապահներու ուղղութեամբ արձակուած է աւելի քան 14000 կրակոց:
Ինչպէս կը տեղեկացնէ ԼՂՀ ՊՆ մամուլի ծառայութիւնը, ՊԲ յառաջապահ ստորաբաժանումները դիմած են պատասխան գործողութիւններու, որոնց արդիւնքով հակառակորդը ունեցած է 3 զոհ եւ 2 վիրաւոր: ՊԲ-ը կորուստներ չունի:
ՊԲ յառաջապահ զօրամասերը շփման գիծի ամբողջ երկայնքով կը շարունակեն վստահօրէն իրականացնել մարտական հերթապահութիւն:
