Միության անդամ պետությունների քաղաքացիները (այդ թվում և ՀՀ քաղաքացիները) իրավունք են ստանում աշխատելու անդամ ցանկացած երկրում առանց աշխատանքի թույլատվության: ԵՏՄ պայմանագրով շեշտվում է, որ անդամ երկրները սահմանափակումներ դնելու իրավունք չունեն՝ սեփական ազգային աշխատանքային շուկան պաշտպանելու համար:
Միության անդամ բոլոր քաղաքացիների ու նրան ընտանիքների սոցիալական ապահովվածության հարցերը, բացառությամբ կենսաթոշակային պարտավորությունների, իրագործվում են նույն կարգով ու պայմաններով, ինչ տեղի քաղաքացիների համար:
Դրանից բացի աշխատողները հնարավորություն են ստանում աշխատելու ոչ միայն աշխատանքային, այլև քաղաքացիական-իրավական պայմանագրով, ինչը զգալիորեն ընդլայնում է օրինական աշխատանքային գործունեության ոլորտը:
Գործատուն ճանաչում է աշխատողի կրթության փաստաթղթերը՝ առանց ճանաչման ընթացակարգերի կիրառության:
Բժշկական օգնություն է տրամադրվում աշխատողին նույն կարգով ու պայմաններով, ինչ տեղի քաղաքացիների համար:
Հաշվարկվում է նաև աշխատանքային ստաժը:
