Կիրակի, 03. 03. 2024

spot_img

Բանաստեղծին Անկիւնը՝ Տունս

*ԺԱՆ ՎԱՐԴԱՆ*

(Յովհաննէս Էքմէքճեան)

hovhannes

ՏՈՒՆՍ

Այնտեղ ուր արծիւն
Իր բոյնն է հիւսեր:
Այնտեղ ուր լիճերն՝
Երկինք բարձրացեր:
Այնտեղ ուր Արեւն
Ծիրանն է ներկեր:
Այնտեղն ուր խաղողն
Գինի է ծորեր:
Այնտեղ ուր Նոյը՝
Մասիսն է գտեր:
Այնտեղ ուր Դաւթի
Սուրն է կայծակեր:
Այնտեղ ուր ազգիս
Քաջերն են ինկեր:
Այնտեղ ուր ժայռերն
Խաչքար են դարձեր:
Այնտեղ ուր կռունկն
Խապրիկս է տարեր:
Այնտեղ ուր լոյսը՝
Նոր յոյս է բերեր:

Այնտեղ իմ տունն է,
Դարերէ ի վեր,
Ուր դեռ չեմ ապրեր:

Ժան Վարդան

2008

[divide icon_position=»left» width=»short»]

Հեղինակին Մասին

Երաժիշտ եւ թէնիսի նախկին մարզիկ ու ախոյեան, մասնագիտութեամբ՝ Երկրագործական Ճարտարապետ, ասպարէզով՝ ճարտարարուեստական եւ առեւտրական, կոչումով բանաստեղծ Ժան Վարդան (Յովհաննէս Էքմէքճեան) սուրիոյ արհաւիրքներու օրերուն իր ունեցուածքը ետին ձգելով ընտանեօք հաստատուած է Հայաստան`  իր «Տունը», ուր իր առօրեան կը զբաղեցնէ իր կոչումին վայել  ազնիւ եւ հոգեպարար ստեղծագործութիւններով: 

Կողքի Գեղանկարի հեղինակ՝

 Մերուժան Խաչատրեան

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին