Շառլ Ազնաւուր մտահոգութիւն յայտնած է գործարար եւ բարերար Լեւոն Հայրապետեանի կալանաւորման առիթով եւ կոչ ուղղած Ռուսաստանի իշխանութիւններուն, փոխելու Հայրապետեանի հանդէպ կիրառուած խափանման միջոցը` հաշուի առնելով անոր առողջական վիճակը: Ազնաւուրը, որ բազմիցս հանդիպած է Լեւոն Հայրապետեանին, մշտապէս բարձր գնահատած է անոր գործունէութիւնը, որ ուղղուած եղած է Արցախի եւ Հայաստանի զարգացման: Այս մասին կը տեղեկացնէ Artsakh Today մամուլի կեդրոնը:
Ըստ նախաքննութեան, յանցագործութիւնը, որուն վերաբերեալ քրէական գործ յարուցուած է եւ որուն ծիրէն ներս կը կասկածուի նաեւ Հայրապետեանը, իրականացած է 2008-ին «ԱՖԿ Սիստեմա»-ին «Բաշնեֆթ»-ի վաճառքի մասին գործարքի ժամանակ, որուն ներգրաւուած եղած է նաեւ Հայրապետեանը: Կը նշուի, որ Հայրապետեանը այդ գործարքէն ստացած է մեծ գումար: