Յունիս տասնչորսի առաւօտեան ՀԲԸՄ Պ.Գ. Կարմիրեան վարժարանի բազմամարդ մուտքն ու նախասրահը յագեցած էին  տօնական տրամադրութեամբ: Մանկապարտէզի վկայականաց բաշխման հանդէսը կ’ազդարարէր 2014 – 2015 ուսումնական տարուան բարեյաջող աւարտը, յաջորդելով օրեր առաջ վերջ գտած պրէօվէ դասարանի պետական քննութիւններուն, մինչ միւս` նախակրթարանի, միջնակարգի ու երկրորդականի աշակերտներուն համար քննական շրջանը աւարտական հանգրուան կը թեւակոխէ:

            Օրը տօնական էր անխտիր բոլորին` ղեկավարութեան, թէ ուսուցչական կազմին, ծնողներուն թէ շրջանաւարտ փոքրիկներուն համար: Ծաղիկ դասարանցիներուն խմբակը մկրտուած էր «Հարիւր ամեակի հունձք» անուամբ, իսկ բեմն ու սրահը ներկաները կը պարուրէին  մանուշակագոյնի ու ճերմակի երանգներով…: Հանդէսը որոշեալ ժամուն մեկնարկեց արդար պահանջի ու ծլարձակման խորհրդանիշ գոյներուն սփռած տրամադրութեամբ:

            Բացուող վարագոյրին հետ բեմահարթակ բարձրացան ազգային տարազով չորս «Ծաղիկներ», որոնց շուրթերով հանդիսատեսին մայրենի լեզուին կարկաչը հասաւ…:

            Ծիլ-բողբոջ-կոկոն-ծաղիկ միացեալ երգչախումբը /երգի դասատու` Նորա Եղիայեան/ ներկաներուն եռալեզու երգերու հրաշալի փունջ մը մատուցեց` «Խնջոյքի երգ», «Երիտասարդական քայլերգ» եւ այլն:

            Արարատի հովանիէն հեռու հասակ առնող այս սերունդը «Սեղանն է առատ, դիմացն Արարատ»  կ’երգէ, իսկ հայ երգը, ինչպէս գիտենք, հմայիլի ուժ ունի: ՀԲԸՄ վարժարաններու ղեկավարութիւնը իր սաները գիտէ զինել ազգային պատկանելութեան գիտակցութեամբ:

            Ահա այս միտքն էր, որ  իր կուռ խօսքով արտայայտեց նաեւ Մանկապարտիզպանուհի Օրդ. Սոնիա Տեյիրմենճեան:

            Փոքրիկները «Հայկական հարսանիք» ներկայացուցին: Հայկական ժողովրդական երաժշտութեան կշռոյթին թելադրանքով  հարսանեկան սեղան պատրաստեցին, չմոռնալով սեղանի զարդ աւանդական ղափաման, «հարսն ու փեսան» իրենց գահաւորակներուն վրայ բազմեցուցին, ապա ծափեր խլող գեղեցիկ պարեր ցուցադրեցին /պարուսոյց Վարիա Ճունթոյեան/:

            «Հայորդի եմ», «Իմ հայ լեզու», «Հայրենիք», «Հայաստան», «Ես զաւակն եմ պապերուս», «Արեւի երկիր» երգ, պար ու խօսքով, մեր երեխաները բերկրանքով լեցուցին իրենց ծնողներուն սրտերը: Զարմանալի ճկունութեամբ հնչեցին նաեւ արաբերէնն ու անգլերէնը, որոնք հայերէնի կողքին իրենց կարեւոր դերը պիտի կատարեն մեր փոքրիկներուն ապագայ կեանքին մէջ:

            Վարժարանի Տնօրէնուհի Տիկ. Մ. Պալեօզեանին վստահութիւն ներշնչող խօսքը կրկին անգամ հաւաստեց ՀԲԸՄ վարժարաններուն որդեգրած ազգային անշեղ ուղին: Անոր խօսքը հնչեց քառասնամեայ Կարմիրեանի տոկունութեամբ ու գալիք օրերու նկատմամբ արդար լաւատեսութեամբ:

            Ապագայ առաջին դասարանցիներուն մանկապարտէզի աւարտական  վկայականները բաշխուեցան Լիբանանի մէջ ՀՀ հիւպատոս Տիար Աշոտ Վարդանեանի, ՀԲԸՄ կրթական Յանձնախումբի ատենապետուհի Տիկ. Սիլվա Լիպարիտեանի, ՀԲԸՄ Լիբանանին վարժարաններու ընդհանուր տնօրէն Պրն. Արա Վասիլեանի եւ Կարմիրեան Վարժարանի տնօրէնուհի Տիկ. Մարալ Պալեօզեանի կողմէ:

            Այս ուրախառիթ հանդիսութեան աւարտին, դպրոցի շրջափակին մէջ բոլորին մասնակցութեամբ տեղի ունեցաւ տօնական կարկանդակի հատումը: Ժպիտներ, ուրախութեան արցունքներ, լուսանկարներ… Գեղեցիկ յիշատակներ, որոնց հենքին վրայ մեր նորագոյն սերունդը պիտի շարունակէ իր ճամբան, իր վերելքը…:

Miss Katherine -HMADS Kindergarten Teacher

On Friday, June 12th, 2015 all of the hard work came together beautifully for the Nursery and Kindergarten Graduation. This was my first year as the Kindergarten teacher at HMADS and a teacher of a graduating class. I have never been apart of a graduation with such joy, love, and excitement as this one at HMADS. All of the students worked extremely hard throughout the year and now it was their time to shine. The students loved learning the songs and dances that they would even sing them in the classroom and at home to their friends and family members.

A quote from the audience Mrs. Doris Mazello: “The children performed to perfection their songs, poems, and dances; embracing their Armenian heritage, and displaying their bilingual skills in an atmosphere filled with warmth and love. Surely, not the usual Nursery Kindergarten performance indeed!” That couldn’t have been written more perfect. The students embraced their culture through their performances and are growing into model students.

Working collaboratively with Mrs. Ethel, Mrs. Socy, Mrs. Mark, Mrs. Ani, Miss Tracey, and Mrs. Crissy, the students learned how to put on a wonderful show while displaying their Armenian heritage. It has been a fantastic school year filled with growth and knowledge. I could not have asked for a better school year with such dedicated teachers and hard working students.

Below is a short article by Mr. Robert Karapetian in Armenian and beautiful photos about HMADS N-Pre-K and K graduation held on Friday, June 12, 2015, at Kalustyan Hall.

ՍՆԱՎ-ի Բողբոջ, Կոկոն եւ Ծաղիկ դասարաններու աշակերտներուն ամավերջի հանդէսն ու վկայականաց բաշխումը:

Նիւ-Եորքի Սրբոց Նահատակաց Ամէնօրեայ Վարժարանում – ՍՆԱՎ –

Հնչել է Ա.Մ.Ն.-ի և ՀՀ-ի Օրհներգերը՝ Բողբոջ, Կոկոն եւ

Ծաղիկ դասարանի Աշակերտների Շրթներից

Յունիսի 12-ին, Նիւ Եորքի Սրբոց Նահատակաց Ազգային վարժարանում տեղի ունեցաւ ՝ Բողբոջ, Կոկոն և Մանկապատէզի՝ թիւով 36 երեխաների այս տարուայ աւարտական հանդէսը։

Բացման աղօթքը կատարեց, ցերեկոյթի պատուաւոր հիւր, Նիւ Եորքի Սբ․Լուսաւորիչ Մայր եկեղեցու հովիւ՝ Արժ. Տ. Մեսրոպ քհնյ. Լագիսեանը։ Դրօշների ներս բերման արարողութիւնից յետոյ հնչեցին ԱՄՆ ի և Հ. Հ. օրհներգերը։Յայտագրում տեղ էին գտել մանկական խմբերգեր, հայկական պարեր և արտասանութիւններ։ Դպրոցի տնօրինութեան և ծնողների կողմից բարձր գնահատականի արժանացան վարժարանի մանկավարժները, որոնք ջանասիրութեամբ աշխատանք են տանում նախադպրոցական տարիքի երեխաների հետ։ Երեխաներին յանձնեցին նաև այս տարուայ աւարտական վկայականներ։

– «Մեր մաղթանքն է, որ բոլոր հայ երիտասարդ ծնողները արթնանան, գիտակցեն և իրենց զաւակները բերեն հայ դպրոց՝ հայեցի կրթութիւն ստանալու։ Կը մաղթեմ որ աւելի աշակերտութիւն ունենանք»– ասաց վարժարանի տնօրէնուհի՝ Զարմինէ Պօղոսեանը։ Ցերեկոյթը աւարտուեց ծնողների կողմից պատրաստուած կարկանդակով, որը նուիրուած էր օրուայ միջոցառմանը։

Ցերեկոյթը աւարտուեց Սրբոց Նահատակաց եկեղեցու հովիւ՝ արժանապատիւ Տէր Աբրահամ քհնյ. Մալխասեանի մաղթանքներով։

Հայ կաթողիկէ Մեսրոպեան բարձրագոյն վարժարանի մանկապարտէզի ծաղիկ եւ կոկոն դասարաններու ամավերջի հանդէսը եւ աւարտականներու վկայականներու բաշխումը տեղի ունեցաւ շաբաթ, 13 յունիս 2015-ին, երեկոյեան ժամը 7:30-ին, վարժարանի բակին մէջ, ներկայութեամբ մարմիններու եւ միութիւններու ներկայացուցիչներու, կրթական գործիչներու, ուսուցիչներու, ծնողներու եւ աշակերտներու:

Աշակերտներու երգեցողութեամբ Լիբանանի, Հայաստանի եւ Մեսրոպեանի քայլերգներէն ետք, հանդիսութեան բացման խօսքը արտասանեցին Մարիա Պալատի, Լորի Նիկոլեան եւ Լորի Այնէճեան: Բարի գալուստի խօսքերէն ետք հանդէսի մասնակից աշակերտները կատարեցին երկու խմբերգներ, հինգ պարեր՝ հայկական, արաբական եւ եւրոպական, նուագ՝ խմբային մասնակցութեամբ եւ “Հայաստանը մեր երկիրն է” թատերական պատկերը:

Մեսրոպեան մանկապարտէզի պատասխանատու Մարիա Պէօճեքեան իր խօսքին մէջ նշեց, որ փոքրերը մանկապարտէզին մէջ ձեռք կը բերեն տարբեր գիտելիքներ եւ ընկերային հաղորդակցութեան կանոններ, դառնալու համար նկարագիրով ազնիւ եւ քաղաքավար անձեր: Ան մաղթեց, որ մանկապարտէզի շրջանաւարտները 12 տարի ետք միեւնոյն բեմէն կը ստանան աւարտականի վկայականները: Խօսքին յաջորդեց մանկապարտէզի աշակերտներու վկայականներու բաշխման արարողութիւնը, որուն ընթացքին Մեսրոպեանի մանկապարտէզի 61 շրջանաւարտները ստացան իրենց վկայականները:

Հանդիսութեան աւարտին խօսք առաւ Հայ կաթողիկէ Մեսրոպեան բարձրագոյն վարժարանի տնօրէն Կրեկուար Գալուստ: Ան բարձրօրէն գնահատեց մանկապարտէզի անձնակազմի անդամները, Մեսրոպեան մանկապարտէզի աշակերտներու կրթութեան եւ դաստաիարակութեան համար իրենց կատարած բծախնդիր եւ նուիրուած աշխատանքին համար: Կ. Գալուստ ըսաւ, որ առընչակից բոլոր կողմերու հետ գործակցաբար, տնօրէնութիւնը ամէն ինչ ըրած է եւ պիտի շարունակէ ընել՝ աւելի բարձրացնելու համար վարժարանին ընդհանուր մակարդակը, դիտել տալով, որ այդ հեռանկարին մէջ իր առանցքային նշանակութիւնը ունեցած է եւ միշտ պիտի ունենայ կրթութեան «հիմնաքարը»` մանկապարտէզը:

ՏԵՂԵԿԱՏՈՒԱԿԱՆ ԳՐԱՍԵՆԵԱԿ

ՀԱՅ ԿԱԹՈՂԻԿԷ ՄԵՍՐՈՊԵԱՆ ԲԱՐՁՐԱԳՈՅՆ ՎԱՐԺԱՐԱՆԻ

Ապրիլ 24-էն ետք  ամբողջ աշխարհի մէջ կը շարունակուին Հայոց ցեղասպանութեան յիշատակի ձեռնարկները:

Varesenews պարբերականի փոխանցմամբ` Իտալիոյ հիւսիսային փոքրիկ Գաստիլիոնէ Օլոնա քաղաքին մէջ «Առանց հայրենիքի հայը. պատմութիւն ինծի եւ մեզի համար» խորագիրով մշակութային երեկոյ կ’իրականացուի: Ձեռնարկի կազմակերպիչներն են քաղաքապետարանի մշակոյթի վարչութիւնն ու Կոյս Ռոզարիոյ եկեղեցական ծուխը, կը գրէ Artsakhpress-ը:

Երեկոյի հիւրը պիտի ըլլայ սուրիահայ գրող Սեզար Պալապան` «Առանց հայրենիքի. Հալէպէն հայու մը պատմութիւնը» վէպի հեղինակը:

Սեզար Պալապան ծնած է 1950 թուականին, Հալէպ, Հայոց ցեղասպանութիւնը վերապրածի ընտանիքի մէջ: Ան մեծցած է երեք մշակոյթներու մթնոլորտի մէջ. Ընտանիքէն ներս` հայկական, շրջապատը` արաբական, դպրոցը` ամերիկեան: 1969 թուականին ան կը մեկնի Իտալիա` այնտեղէն ԱՄՆ ուղեւորուելու համար, սակայն կ’որոշէ մնալ եւ վիրաբուժութիւն ուսանիլ: