«Կանանց Միջազգային Օր»-ուան առիթով, ՀԲԸՄ Լիբանանը, Լիբանանի Ամերիկեան Համալսարանի Արաբ Կիներու Հիմնարկին (LAU AiW) հետ համատեղ, կազմակերպեց
«Համագործակցութիւն՝ Փոփոխութիւններու Արագացման Նպատակով՝ Համաշխար-
հայնացումէն Դէպի Տեղական» խորագիրով սեմինար մը: Ձեռնարկը տեղի ունեցաւ Կանանց Միջազգային Տօնին առիթով, Երկուշաբթի, Մարտ 3, 2025-ին, Լիբանանի Ամերիկեան Համալսարանի Irwin Hall, Faculty Lounge-ին մէջ: Աւելի քան 55 հոգիներու ներկայութեան:
Քննարկման մասնակցեցան նշանաւոր բանախօսներ, փաստաբաններ ու համայնքային ղեկավարներ, որոնք անդրադարձան սեռային հաւասարութեան համաշխարհային քաղաքականութեան եւ անոր տեղական խոչընդոտներուն յաղթահարման միջոցներուն մասին: Քննարկումը վարեց Արաբ Կիներու Հիմնարկին Տնօրէնուհի Միրիամ Սֆէյր՝ շեշտելով գործընկերութան անհրաժեշտութեան՝ տեղական մակարդակի վրայ շօշափելի փոփոխութիւններ բերելու գործընթացին նպատակով:
Ֆինլանտացի Դեսպան Աննէ Մեսկանենը, խօսեցաւ Ֆինլանտայի սեռային հաւասարութեան զարգացման մասին, շեշտելով համայնքային ներգրաուածութիւնը:
Լիբանանի Խորհրդարանի անդամ Հալիմա Քաաքուր՝ հանրային միջազգային իրաւունքներու դասախօս, անդրադաձաւ սեռային զգայուն քաղաքականութեան ներդրումի ու օրէնսդրական բարեփոխումներու կարեւորութեանց:
Ատէլ Խոտր, երեխաներու իրաւունքներու պաշտպան եւ Եունիսէֆի Միջին Արեւելքի ու Հիւսիսային Ափրիկէյի տարածաշրջանի նախկին տնօրէն, անդրադարձաւ հակամար- տութենէն տուժած կիներու եւ երեխաներու իրաւունքներուն հետ առնչուող հարցերուն մասին:
Այման Մհաննա, լուսարձակեց սեռային հաւասարութեան դէմ աճող հակազդեցութեան վրայ, մասնաւորապէս՝ ծայրայեղ աջ շարժումներու կողմէ առցանց հարթակները զինելու միջոցով: Ան ընդգծեց լրատուական միջոցներու ներգրաւման կարեւորութիւնը կարենալ ապահովելու ներառական ու հաւասարակշռուած տեղեկատուութիւն:
ՀԲԸՄիութեան Լիբանանի Շրջանակային Յանձնաժողովի Վարիչ-Տնօրէնուհի Արին Ղազարեան իր խօսքին մէջ նշեց թէ հաստատուն եւ իմաստալից փոփոխութեան կարենալ հասնելու համար, անհրաժեշտ համագործակցութիւն հաստատել տարբեր ոլորտներու միջեւ:
Քննարկումը դրսեւորեց աշխոյժ ու եռանդուն փոխանակում ոլորտի նշանաւոր գործիչներուն միջեւ, անդրադառնալով Լիբանանի եւ աւելի լայն տարածաշրջանին առջեւ ծառայած սեռային հիմնախնդիրներուն:
Եզրափակելով, Միրիամ Սֆէյր կոչ ուղղեց շարունակել համագործակցութիւնն ու ժողովրդական ներգրաուածութիւնը՝ սեռային հաւասարութեան հասնելու նպատակով: Ան շեշտեց թէ փոփոխութիւնը կը պահանջէ համբերութիւն, սկայն իւրաքանչիւր նոր լուծում նոր հնարաւորութիւններ կը ստեղծէ:
Նշենք թէ այս միջոցառումը ՀԲԸՄ Լիբանանի ու AiW-ի չորրորդ համագործակցութիւնն է, վերահաստատելով միատեղ նուիրուածութիւնը, ներառական եւ արդար հասարակութիւններու զարգացման ծիրէն ներս,
Ձեռնարկին աւարտին, առիթ տրուեցաւ ներկաներուն իրենց հարցադրումները ներկայանելու:
