ՀԲԸՄ-ՀԵԸ Անդրանիկ Անթիլիասի Գործադիր Մարմինը յատուկ արարողութեամբ մը պարգեւատրեց, Լիբանանի թեքուանտոյի ֆետերասիոնին հովանաւորութեամբ, 2022 տարեշրջանի ախոյեանութեան եւ զանազան մրցաշարքներուն ընթացքին, խմբային եւ անհատական մրցանակներ շահած իր եօթ մարզիկները եւ մարզչական կազմը:
Նշենք, թէ վերջերս նոյնպէս, Լիբանանի թեքուանտոյի ֆետերասիոնը նման հանդիսութիւն մը կազմակերպած էր ի պատիւ 2022 տարեշրջանին ընթացքին թեքուանտոյի մրցանակներ նուաճած ՀԲԸՄ-ՀԵԸ Անդրանիկ Անթիլիասի եօթ մարզիկներուն:
Փոխան մարզիկներուն, թեքուանտոյի դպրոցի մարզչական կազմի անդամներ, «մեսթըր»ներ Նարեկ Պուլտուքեան եւ Փաւէլ Հատատ ներկայ գտնուեցան բաժակներու տուչութեան արարողութեան:
Նշենք, թէ Թեքուանտոյի դպրոցի փորձերը տեղի կ’ունենան ՀԲԸՄ-ի Տեմիրճեան կեդրոնին մէջ, «Կրենտ մեսթըր»ներ Պասամ Աատի եւ Քոզէթ Պասպուսի հսկողութեան տակ:
