Երկուշաբթի, 06. 02. 2023

Հրապարակուած է Պոլսահայ Երգչուհի Մարալ Այվազի Նոր Երգը

Ուրախութեամբ իմացանք, որ հրապարակի վրայ է պոլսահայ երգչուհի՝ Մարալ Այվազի նոր երգը՝ Կռունկ:

Արդարեւ, երգին տեսերիզին մէջ ակներեւ է անոր արտադրութեան համար տարուած մեծ աշխատանքը: Մարալի հետ հաղորդակցութեան ընթացքին ան նշեց, թէ իր ընտրած այս նոր երգով ուզած է սիրուած երգերու անմոռանալի հեղինակ՝ Ալեքսէյ Հեքիմեանի ազդեցիկ երաժշտութիւնը ունենայ համապատասխան պատկերներ որոնց միջոցով ինք հնարաւորութիւնը ունենայ հոգեպարար զգացումներ պարգեւել իր ունկնդիրներուն: Մարալի վկայութեամբ, տեսահոլովակին պատրաստութեան մէջ մեծ դեր ունեցած է է նկարչուհի՝ Մարիամ Գէորգեանը:

Կռունկ երգին ձայնագրութիւնը իրագործուած է Գերմանիոյ Ֆրանքֆուրդ քաղաքի մէջ, որուն մշակումը կատարած, կիթառ նուագած ու երգեցողութեան մասնակցած է՝  Ֆրանքֆուրդաբնակ Հայ երաժիշտ Առէն Էմիրզէն: Տեսահոլովակի նկարահանումները կատարուած են Հայաստանի յայտնի վայրերուն մէջ, ինչպէս՝  Սաղմոսավանքի տարածքին, Սեւանայ լիճի կողքին և բարձունքներուն։

Տեսահոլովակը հովանաւորած է Պոլսահայ գործարար, բարերար՝ Պրն. Տիգրան Կիւլմէզկիլը։

Յիշեցնենք, թէ երգին բառերը Գէորգ Էմինինն են: Երաժշտութիւնը՝ Ալեքսէյ Հեքիմեանին: Երաժշտական դասաւորումն ու նուագակցութիւնը՝ Էմիրզեանին (Արէն Էմիրզ)

Ձայնագրումը՝ Ton Studio Bieber – Oliver Rüger / Frankfurt: Արտադրութեան տնօրէն, գեղարուեստական ղեկավարը՝ Մարիամ Գէորգեան:

Յաջողութիւն եւ նորանոր նուաճումներ սիրելի երգչուհիին: 

«Զ.»

ՆՄԱՆ ՆԻՒԹԵՐ

Մեկնաբանէ՛

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

spot_img

ՎԵՐՋԻՆ ՅԱՒԵԼՈՒՄՆԵՐ

Զօրակցիր Զարթօնք Օրաթերթին