Պէյրութի Վահան Թէքէեան Միջն. վարժարանի Հոգաբարձութիւնն ու Տնօրէնութիւնը, իրենց խորին ցաւակցութիւնները կը յայտնեն Տիկ. Պերթա Տաղլեան-Տէօքմէճեանին ու անոր դստեր՝ Վահան Թէքէեան վարժարանի Սանուց Միութեան ատենապետուհի Օրդ՝ Լիւսիին ու անոր քրոջ Սարինին, իրենց ամուսնոյն ու հօր՝ Լիբանանահայ մտաւորական Տիար Զօհրապ Տէօքմեճեանին վախճանման տխուր առիթով:
Ողբացեալ՝ Զօհրապ Տէօքմէճեան երկար տարիներ անխոնջ կերպով աշխատակցած է Լիբանանահայ «Զարթօնք» օրաթերթին իր յօդուածներով: Ան եղած է հայրենասէր, եկեղեցասէր ու միութենասէր տիպար անձնաւորութիւն:
Հողը թեթեւ գայ վրան ու թող հանգչի հոգին խաղաղութեամբ:
Յիշատակն արդարոյ օրհնութեամբ եղիցի:
Ցաւակցագիր
