Երեքշաբթի, 27. 09. 2022

ՀԲԸՄ-ՀԵԸ Անդրանիկ Սին Էլ Ֆիլ Հասաւ Լիբանանի 18-Էն Վար Տարիքային Ախոյեանութեան Աւարտականին

Շարունակելով  Լիբանանի պասքեթպոլի  18 տարեկանէն վար ախոյեանութեան  մրցումներուն  փայլուն յաղթանակներու արշաւը,  ՀԲԸՄ-ՀԵԸ Անդրանիկ Սին էլ Ֆիլի աղջիկները, կիսաւարտական փուլի մրցումներուն՝ 47-39 արդիւնքով պարտութեան մատնեցին Չեմփսը եւ  հասան աւարտականին:

 Մրցումը տեղի ունեցաւ Շաբաթ, 6  փետրուար  2022,  կէսօրէ  ետք ժամը՝  5.30-ին,  Քահրապա  Զուք մարզադաշտին մէջ:

Չեմփս կը նկատուի  Լիբանանի տարիքային «ակադեմի»ներու  լաւագոյն կազմերէն: Անոր պատասխանատուն է  հանրածանօթ մարզիկ Ֆետի Խաթիպը:

 Նշենք, թէ  քառորդ աւարտականին մեր աղջիկները պարտութեան մատնած էին Ռիատին: Աւարտականին, ՀԵԸ Անդրանիկ Սին Էլ Ֆիլի մրցակիցը պիտի  ըլլայ Հուփսը:

Աղջկանց  կազմին  մարզիչն է  Ճիլպեր  Սալիպա, վարչական պատասխանատուն՝ Նայիրի Սուէյտի – Հայրապետեանը, խմբապետուհին՝ Էրիքա Խուրին:

Յաջողութիւն կը մաղթենք ՀԵԸ Անդրանիկ  Սին Էլ Ֆիլի աղջկանց կազմին:

 ՀԲԸՄ-ՀԵԸ-Ի  ՄԱՄԼՈՅ ԵՒ ՏԵՂԵԿԱՏՈՒԱԿԱՆ  ԳՐԱՍԵՆԵԱԿ

ՆՄԱՆ ՆԻՒԹԵՐ

Մեկնաբանէ՛

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

spot_img

ՎԵՐՋԻՆ ՅԱՒԵԼՈՒՄՆԵՐ

Զօրակցիր Զարթօնք Օրաթերթին