Երեքշաբթի, 03. 06. 2025

spot_img

Ռ.Ա.Կ.-ի Միասնականութեան Նախաձեռնող Ղեկավարներու Համախմբում

Տեղեկատուութիւն

Որպէս շարունակութիւն անցեալ 19 Դեկտեմբեր 2021 թուակիր մեր կատարած կոչ-ին՝ ուղղուած աշխարհատարած Ռամկավար Ազատական Կուսակցութեան անդամակցութեան, գոհունակութեամբ կուզենք տեղեկացնել թէ բացառաբար կառուցողական ոգիով կատարուած կոչը, կուսակցութեան տարբեր շրջանակներուն եւ նաեւ անհատ կուսակցականներու կողմէ դիմաւորուեցաւ մեծագոյն ոգեւորութեամբ եւ խանդավառութեամբ:

  • Ինչպէս խոստացած էինք կոչին մէջ, այս տեղեկատուութեան մէջ կու գանք ամփոփ կերպով տեղեկացնել թէ անցնող մէկ ամսուան ընթացքին շաբթական հերթական ժողովներով, որոնց վերջինը տեղի ունեցաւ Շաբաթ 22 Յունուար 2022-ին, նախաձեռնող համախմբումը բծախնդրութեամբ կը պատասխանէ աշխարհի չորս ծագերէն իրեն ուղղուած զօրակցական արտայայտութեանց, ինչպէս նաեւ բնականօրէն իրեն կատարուած հարցադրումներուն:

Լաւատեսութիւն կը ներշնչէ տեսնել թէ բազմաթիւ շրջանակներ իրենց պատրաստակամութիւնը կը յայտնեն ոյժերը միացնելով օժանդակելու եւ արագացնելու երկար ժամանակէ ի վեր ակնկալուած Ռ.Ա.Կ.-ի միասնականութեան իրագործման անհրաժեշտ այս աշխատանք ի ն:

Անցեալի տխուր դրուագները արծարծող ընկերներուն կրկնակի կերպով կը յիշեցնենք թէ վերակառուցման այլեւս անկասելի այս աշխատանքին նախապայմանն է կեդրոնանալ միայն ապագային պահանջներուն վրայ, բացառելով որեւէ ակնարկ անցեալին:

Շուտով, գոհունակութեամբ պիտի հրատարակուին տարբեր շրջանակներէ հասած զօրակցական եւ քաջալերական խանդավառ արտայայտութիւնները:

Աւելի վերջ եւ աստիճանաբար, աշխարհատարած մեր ընկերներուն պիտի տեղեկացնենք ծրագրուող առարկայական նախաձեռնութեանց մասին որոնք պիտի առաջնորդեն կուսակցութեան ամբողջ կառոյցին օրինականացման վերահաստատումին:

Ռ.Ա.Կ.-ի Միասնականութեան
Նախաձեռնող Ղեկավարներու Համախմբում
27 Յունուար 2022
spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

Ելեկտրոնային Գրադարան

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին