Կիրակի, 26. 05. 2024

spot_img

Տիապ Իր Հակառակորդները Կ՛ամբաստանէ Արաբական Օգնութիւնները Արգելափակելու Մեղադրանքով

Վարչապետ Հասսան Տիապ երէկ յարձակում գործեց իր կառավարութեան դէմ եղող քաղաքական կողմերուն վրայ զանոնք ամբաստանելով, որ իրենք կը խոչընդոտեն արաբական օգնութիւնները ներկայ կառավարութեան մինչ երկիր տնտեսական դժուարին օրեր կ՛ապրի:

Այս մասին յայտարարեց Տեղեկատուութեան Նախարարը, շեշտելով, որ Վարչապետը կը մնա լաւատես մանաւանդ, որ ան դրական նշաններ կը ստանայ Իրաքէն, Քաթարէն, եւ Քուէյթէն, որոնք սկզբունքով պատրաստակամ են օգնելու իր կառավարութեան:

Տիապի այս խօսքերը եղան կառավարութեան նիստին ընթացքին երէկ Պաապտայի պալատին մէջ, որուն օրակարգին վրայ կար Ֆիանանսներու նախարարութեան ընդհանուր տնօրէնին հրաժարականը ընդունելու կէտը, որ այնպէս ալ չվաւերացուեցաւ եւ յետաձգուեցաւ յաջորդ ժողովին:

Քորոնա Ժահրի օրակարգով երէկ վարակուածներու թիւը նահանջ արձանագրեց: Գրանցուեցան 32 պարագաներ:Այս բանը լաւատեսութիւն կու տայ, որ օդակայանի բացուիլը վարակակիրներու թիւին վրայ մեծ ազդեցութիւն մը չունի եւ կարելի է աստիճանաբար երկիրը բանալ:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին