Լիբանանցի քաղաքացի Ալի Մոհամմատ Ալ Հաք երէկ առաւօտ Պէյրութի Ալ Համրա փողոցին վրայ կրակ բացաւ ինքն իր վրայ ու տեղւոյն վրայ մահացաւ։ Կը նշուի, որ քաղաքացին յուսահատ եւ հիսաթափ էր երկրին մէջ տիրող ընկերային-տնտեսական ծանր իրավիճակէն եւ որպէս արտայայտութիւն իր բողոքին անձնասպանութեան դէպքի վայրին ճիշդ կողքը տեղադրած էր պաստառ մը վրան գրուած՝ «Ես անհաւատ մը չեմ…»: 61-ամեայ Ալի Մոհամմէտը, դատական- կառավարական ոչ մէկ խնդիր ունէր եւ իր բողոքի թուղթին կցած էր իրաւապահ մարմիններու կողմէ իրեն տրուած «անպարտութեան» վաւերագիր։
Արդարեւ վերջին ամիսներուն Լիբանանի մէջ տիրող ծանր դրութեան հետեւանքով անձնասպանութեան դէպքերը մեծ աճ գրանցած են։
Դէպքէն անմիջապէս ետք շրջան հասան բողոքի ցոյցերուն մասնակցող քաղաքացիներ, որոնք մեծ ցասումով անդրադարձան եղածին:
Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը