Լիբանանի մէջ Արաբական Միացեալ Էմիրութիւններու կողմէ կատարուած մարդասիրական-բարեսիրական աշխատանքներու շրջագիծին մէջ, Լիբանանի հայոց թեմի Ազգային առաջնորդարանը 11 մայիս 2020-ին, ստանձնեց սննդեղէնի 100 սնտուկներ, որոնք պիտի բաժնուին համայնքի կարիքաւոր ընտանիքներուն։
Այս առիթով, Լիբանանի հայոց թեմի առաջնորդ գերշ․ Տ․ Շահէ եպս․ Փանոսեան իր խորին շնորհակալութիւնը կը յայտնէ Արաբական Միացեալ Էմիրութիւններու իշխան շէյխ Խալիֆա պըն Զայէտ Ալ Նահիանի, գահաժառանգ իշխան շէյխ Մոհամետ պըն Զայէտ Ալ Նահիանի եւ Լիբանանի մէջ Արաբական Միացեալ Էմիրութիւններու դեսպան Տոքթոր Համատ Սաիտ Ալ Շամիսի, ընդհանրապէս Լիբանանին եւ ի մասնաւորի Լիբանանի համայնքին նկատմամբ իրենց ցուցաբերած նուիրումին, շնորհակալութիւն յայտնելով անոնց ճիգերուն եւ մաղթելով, որ այս դժուարին օրերը աղօթքով եւ հաւաքական աշխատանքով կը յաղթահարուին։
Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը
