Մինչ կառավարութիւնը իր տնտեսական բարեկարգումներու ծրագրին մէջ կը խարխափէ եւ փոխանակ կարեւորով զբաղելու ան անտեսելով տնտեսական անտանելի իրավիճակը, որ ժողովուրդին սովի կրնայ մասնել աւելի մտահոգ է պետական պաշտօններ իրար մէջ բաժնելով քան ժողովրդային պահանջներուն ընթացք տալով, բողոքարարներ երէկ Լիբանանի բոլոր կարեւոր ճամբաները փակեցին, որպէս զայրոյթի ցոյց: Բանակը փորձեց վերաբանալ ճամբաները, բան մը, որ բողոքարարներուն եւ բանակին միջեւ փախումներու առիթ տուաւ:
Ինկան 20 քաղաքացի թէ բանակային վիրաւորներ: Աւելի ուշ բողոքարարները սկսան յարձակումներ գործել դրամատուներու փակ սրահներուն վրայ կրակի տալով զանոնք:
Տեղի ունեցող լայնածաւալ ցոյցերու կողքին կարեւոր դէպքեր գրանցուեցան նաեւ երկրի ելեւմտական շրջանակներուն մէջ։
Ներքին ապահովութեան ուժեր երէկ ձերբակալեցին եւ խանութները փակեցին մեծ թիւով լումայափոխներու: Եղածին դէմ իբրեւ բողոքի արտայայտութիւն այսօր ՝ անսալով իրենց սենտիքայի կոչին բոլոր լումայափոխները փակ պիտի պահեն խանութները, մինչեւ իրենց գործընկերներուն ազատ արձակումը։
Յիշեցնենք, որ շուկայի վրայ ամերիկեան տոլարին արժէքը անցաւ 4200 լիբանանեան թղթոսկիի սահմանները:
Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը
