Մինչ Լիբանանի կառավարութիւնը զբաղած է Կեդրոնական Դրամատան փոխ կառավարիչներու նշանակումին թղթածրարով, ուր դարձեալ կը տիրէ պաշտօնները իւրայիններու մէջ բաժնելու տրամաբանութիւնն ու տրամադրութիւնը, Լիբանանի մէջ «քորոնա» ժահրի զոհ մահուան նոր պարագայ մըն ալ արձանագրուեցաւ, մահացածներու ընդհանուր թիւը բարձրացնելով 11-ի: Նոր վարակուածներու մասին առողջապահութեան նախարարութիւնը նշեց 8 թիւը ընդհանուր թիւը հասցնելով 446-ի: Նշենք, որ 35 անձեր ամբողջապէս առողջացած են մինչեւ այսօր:
Ըստ նախարարութեան հաղորդագրութեան, վերջին մահացողը 80-ամեայ կին մը եղած է:
Հակառակ, որ նոր վարակուածներու թիւը լաւատեսութիւն կը ներշնչէ, սակայն պէտք է նկատի ունենալ, որ անոր պատճառը շաբաթավերջին տարրալուծարաններու փակ ըլլալը կրնայ ըլլալ, որոնք նոր վարակուածներու արդիւնքներ չհրապարակեցին:
