Արցախի կենտրոնական ընտրական հանձնաժողովի նախագահ Սրբուհի Արզումանյանը մարտի 30-ին ընդունել է դիտորդական առաքելությամբ Արցախի մարտի 31-ի ընտրություններին մասնակցելու նպատակով ժամանած ՀՀ խորհրդարանականների պատվիրակությանը:
Ինչպես «Արմենպրես»-ին տեղեկացրին ԱՀ ԿԸՀ մամուլի ծառայությունից, քննարկվել են սպասվող ընտրությունների կազմակերպական աշխատանքներին առնչվող մի շարք հարցեր: Երկուստեք կարեւորվել է մարտի 31-ին կայանալիք ընտրությունների դերը՝ որպես Արցախում պետականաշինության գործընթացն ամրապնդող հերթական քայլ:
