Հինգշաբթի օր կառավարութիւնը քննարկեց «դրամագլուխի հսկողութեան» վերաբերող օրէնքի սեւագրին քննարկումը, որ կը նպատակադրէ կազմակերպել յարաբերութիւնը դրամատուներուն եւ իրենց յաճախորդներուն միջեւ: Տեղեկատուութեան նախարարը յայտարարեց, որ սոյն քննարկումները պիտի շարունակուին յառաջիկայ Երեքշաբթի, առիթը տալու համար նախարարներուն տուեալ թղթածրարը աւելի եւս սերտեն:
Նշենք, որ սեւագիրը պատրաստուած էր Ֆինանսներու նախարարին կողմէ:
Այս մասին յայտարարուեցաւ Պաապտայի պալատին մէջ կայացած կառավարութեան ժողովէն ետք, որ գլխաւորած էր նախագահ Միշէլ Աուն:
