Ընդհատում եմ արձակուրդս։ Վաղը մանկապարտեզները, դպրոցները, բուհերը չեն աշխատի։ Կառավարությունում կհրավիրեմ խորհրդակցություն կորոնավիրուսի հետ կապված ընթացիկ իրավիճակը գնահատելու համար։ Այս մասին հայտարարել է վարչապետ Նիկոլ Փաշինյանը:
ՀՀ-ում հաստատվել է կորոնավիրուսով վարակման ևս երկու դեպք: Նրանք Էջմիածնից են, ովքեր շփվել են երեկ մեկուսացած քաղաղաքցիների հետ:
Վարչապետ Նիկոլ Փաշինյանն ուղիղ եթերում նշեց, որ այսօր հաստատված դեպքերը այդ էջմիածնեցի կնոջ ամուսինն ու մորաքրոջ տղան են:
«Այստեղ ինչն է անհանգստացնողը: Նրանք երեքն էլ Էջմիածնի բնակիչներ են: Ես որոշեցի ընդհատել արձակուրդս: Վաղը կառավարությունում խորհրդակցություն կանցկացվի: Մենք վաղն ավելի մանրամասն կհասկանանք իրավիճակը: Վաղվա մեր քարոզչական միջոցառումները պետք է հեռաձգվեն: Աշխատելու եմ Կառավարությունում: Այսօր էլ կորոնավիրուսի կանխարգելման աշխատանքային նիստ է տեղի ունեցել: Վաղը այդ նիստի արդյունքների վերաբերյալ ես ինֆորմացիա կստանամ»,-հայտարարեց Փաշինյանը:
Վարչապետ Նիկոլ Փաշինյանը խնդրել է պահպանել հանդարտություն և այս իրավիճակին վերաբերվել չափազանցված մոտեցումներով: «Սա այն դեպքն է, երբ մեզնից յուրաքանչյուրի անհատական պատասխանատվությունը շատ բարձր է: Անհասկանալի է, երբ մեր սիրելի հայրենակիցները միջոցներ են ձեռնարկում իրենց ջերմություն ունենալը թաքցնելու ուղղությամբ` վտանգի տակ դնելով իրենց հարազատների առողջությունը:
Մի մոռացեք կորոնավիրուսային հիգենիայի մասին, որի մասին առողջապահության նախարարությունը երկար ժամանակ է հայտարարում է: Եթե մեզանից յուրաքանչյուրը սդա պահպանի, վստահաբար կորոնավիրուսը Հայաստանում չի տարածվի: Լավ եղեք, դուխով: Հիվանդությունը հիվանդություն, կորոնավիրուսը կորոնավիրուս: Բայց մենք պետք է արձանագրենք, որ կորոնավիրուսը մեր դեմ պայքարում ուղղակի շանս չունի: Մենք իհակե կհաղթենք կորոնավիրուսին»,- ասաց նա:
Մանրամասներըՙ տեսանյութում
