ԱՄՆ նախագահ Դոնալդ Թրամփի որոշումը՝ արգելել ԵՄ քաղաքացիների մուտքը ԱՄՆ, ապշեցուցիչ է եղել եվրոպական չրկրների ներկայացուցիչների համար: Այս մասին հաղորդել է CNN-ը հինգշաբթի, մարտի 12-ին:
Վաշինգտոնում մի շարք եվրոպական դեսպաններ CNN-ին ասել են, որ իրենք չէին սպասում, որ դա տեղի կունենա, չնայած այն բանին, որ վերջին մի քանի օրերի ընթացքում մշտապես կապի մեջ են եղել Թրամփի վարչակազմի հետ: Իր հերթին, Եվրախորհրդի նախագահ Շարլ Միշելը Twitter-ում գրել է, որ Եվրախորհուրդը «այսօր կգնահատի ստեղծված իրավիճակը»:
«Մենք պետք է խուսափենք տնտեսության խաթարումից: Եվրոպան ձեռնարկում է բոլոր անհրաժեշտ միջոցները` կանխելու COVID-19 վիրուսի տարածումը, սահմանափակելու զոհերի թիվը և աջակցելու իրականացվող հետազոտություններին»,-գրել է Միշելը:
Հիշեցնենք, որ երեկ` մարտի 11-ին ԱՄՆ նախագահ Դոնալդ Թրամփը հայտարարել է, որ 30 օրոով արգելվում է ԵՄ քաղաքացիների մուտքն ԱՄՆ, բացառությամբ Մեծ Բրիտանիայի:
