Լիբանանի ելեւմտական շուկաները ցնցումնային վիճակ կ՛ապրին։
Մինչ անցնող օրերուն ամերիկեան տոլարին սակը կը շրջանառուէր շուրջ 2200 լիբանանեան թղթոսկիի արժէքով, երէկ տոլարը դարձեալ հասաւ 2500 թղթոսկիի շեմը։
Ելեւմտական իրադրութեան հետեւող շարք մը վերլուծաբաններու կարծիքով տոլարի սակին բարձրացումը կապ ունի եւրոպոնտ անունով յայտնի Լիբանանի արտաքին պարտքին մարման ժամկէտին մօտեցման հետ, որ կը զուգադիպի յառաջիկայ օրերուն ։
Յիշեցնենք, որ վարչապետ Հասսան Տիապի կառավարութիւնը մինչեւ այս պահը վերջնական որոշում չէ կայացուցած, այն մասին, որ պիտի վճարէ իր պարտքը կամ թերանալով նոր տագնապի պիտի տանի երկիրը։
