Լիբանանեան Բանակն ու Ներքին ապահովութեան ուժերը զգաստ վիճակի մէջ դրուած են առ ի պատրաստութիւն յաջորդ շաբաթ կայանալիք խորհրդարանական նիստի կայացման ապահովումին:
Այս իրավիճակը հաստատուած է, որպէս նախազգուշական քայլ ի լուր հակակառավարական այն յայտարարութիւններուն, որ ցուցարարները արձակած են խոստանալով փակել կեդրոնական Պէյրութի ճամբաները արգիլելու համար նշեալ նիստը:
Միւս կողմէ, Ալ Մուսթաքպալ երեսփոխանական պլոքի մօտիկ աղբիւր մը երէկ յայտնեց, որ իր ներկայացուցած պլոքը, վստահութեան քուէ պիտի չտայ Հասսան Տիապի գլխաւորած կառավարութեան:
Մինչ լիբանանեան ներքին իրավիճակը կը շարունակէ խառն մնալ, Լիբանանի հարցով Միջազգային դատարանը կը շարունակէ իր աշխատանքները:
Այս ծիրէն ներս երէկ, դատարանը ամբաստանեալ Սամիր Այյաշի համար պաշտպան փաստաբան մը նշանակեց Պէյրութի Փաստաբանական Սենտիքայէն:
Լիբանան այս շաբաթավերջին կը դիմաւորէ «Քարիմ» կոչուող փոթորիկը, որ սկսաւ ազդու դառնալ երէկ յետմիջօրէէն սկսեալ:
Կը սպասուի, որ փոթորիկը իր հետ ծանր անձրեւներ բերէ Լիբանանի ամբողջ տարածքին: Ձիւնը շաբաթավերջին պիտի ծածկէ համեմատաբար ծովուն մակերեսէն ոչ այնքան բարձր շրջաններ:
