Այսօր բոլորին աչքերը կեդրոնացած են Նախարարաց Խորհուրդի նիստին վրայ, որուն ընթացքին պիտի քննարկուի կառավարութեան ծրագրին վերջնական սեւագիրը: Այս քննարկումը ճամբան պիտի յարդէ դէպի խորհրդարանական նիստ, որուն ընթացքին կառավարութիւնը կ՛ակնկալէ վստահութեան քուէ ստանալ:
Մինչ այդ բողոքարարներ երէկ երեկոյէն սկսեալ սկսան հաւաքուիլ Վարչապետարանի կից՝ Ռիատ Ալ Սոլհ Հրապարակին վրայ ճնշում բանեցնելու համար այսօրուայ համար նախատեսուած նիստին վրայ:
Կենսոլորտային աղէտով մը, երէկ քարիւղի սահանք մը պատահած է Զուքի ելեկտրակայանին մերձակայքի ծովափին, որուն մաքրութեան լծուած են պատկան մարմինները կանխելով մօտալուտ փոթորիկ մը, որ կրնայ ներկայ պատահարին ժխտական հետեւանքները բազմապատկել:
