Փետրվարի 2-ի երեկոյան NOVA ARTS Gallery & Wine պատկերասրահ-գինետանը տեղի ունեցավ երիտասարդ նկարչուհի Անի Գալստյանի նկարների «INDEPENDENT WOMAN» խորագրով անհատական ցուցահանդես-վաճառքը։
Ցուցասրահում պատկերված են նկարչուհու վերջին 5 տարվա աշխատանքները` թվով 35-ը: Թեման կինն է` իր բոլոր թերություններով ու առավելություններով: Նկարչուհին ասում է` փորձել է հնարավորինս ներկայացնել կնոջն այնպես, ինչպես զգում է, ինչպես իր պատկերացումներում կա:
Ցուցահանդեսի նպատակն է օգնել կանանց ավելի ազատ ու անկախ լինել: Մերկ կնոջ նկարներում պատկերված է սերը, ազատությունն ու երևակայությունը: Ըստ նկարչուհու` կինը միայն երեխա ունենալու, տնային տնտեսուհի լինելու համար չէ լույս աշխարհ եկել: Կինը ավելի մեծ առաքելություն ունի: Կինը պետք է արվեստ ստեղծի ո տարածի:
Անին հյուրերին դիմավորեց ժպիտով և մեկ գավաթ գինիով: Պատկերասրահը լեփ լեցուն էր: Ներկաները մեծ հետարքրությամբ էին ուսումնասիրում աշխատանքները: Գունային բազմազանությունն ու աշխատանքների յուրահատկությունը գրավում էր շատերին:
Նկարչուհին նշեց, որ շատ ուրախ է իր թվով երրորդ անհատական ցուցահանդեսի բացման կապակցությամբ: Նա հույս հայտնեց, որ օրվա դրական լիցքերից հետո, ստեղծագործելու նոր ավելի թարմ մտքեր կգան ու կդառնան կտավներ: Նկարչուհին բազում ծաղկեփնջերի հետ մեկտեղ հիացական ու գովեստի խոսքեր լսեց արվեստասեր հասարակության կողմից: Ինչը կարող է արվեստագետի համար կարևոր լինել, քան սպասվածից ավելի գեղեցիկ ու ստացված օր ունենալը, մարդկանց հիացական հայացքները ուղղված աշխատանքներին ու նոր գլուխգործոցներ ստեղծելու ոգեշնչումը, ասում է Անին:
Նկարչուհի Անի Գալստյանի հետ Զրաթոնք օրաթերթի հարցազրույցը կարող եք կարդալ հետևյալ հղումով:
Նշենք, որ NOVA ARTS Gallery & Wine պատկերասրահ-գինետանը, որը գտնվում է Երևանի սրտում` Թումանյան 11 հասցեում, ցուցահանդեսը բաց կլինի մինչև փետրվարի 12-ը:
ՔՐԻՍՏԻՆԱ ԱՂԱԼԱՐՅԱՆ
