Կիրակի, 26. 05. 2024

spot_img

Ճիւնիի Ս․ Յարութիւն Եկեղեցի Ծաղկեայ Փիլոն Կրելու Իշխանութեան Շնորհում Եկեղեցւոյ Հովիւ Տ․ Սիմէոն Քհնյ․ Կարապետեանի

Նախագահութեամբ Լիբանանի հայոց առաջնորդ Գերաշնորհ Տ. Նարեկ արքեպիսկոպոսին, կիրակի 8 դեկտեմբեր 2019-ին Ճիւնիի Ս. Յարութիւն եկեղեցւոյ մէջ մատուցուեցաւ ս. պատարագ, որուն ընթացքին սրբազան հայրը ընթերցեց Մեծի Տանն Կիլիկիոյ Ն.Ս.Օ.Տ.Տ. Արամ Ա. կաթողիկոսին սրբատառ կոնդակը, որով նորին սրբութիւնը ծաղկեայ փիլոն կրելու իշխանութիւն կը շնորհէր եկեղեցւոյ հովիւներէն Արժ. Տ. Սիմէոն քհն. Կարապետեանի։

Առաջնորդ սրբազան հայրը շեշտեց եկեղեցւոյ համար ծառայելու գաղափարը Սիմէոն քհն. Կարապետեանի կեանքին եւ անոր ծաւալած անձնդիր սպասաւորութեան ընդմէջէն` մաղթելով, որ քահանայ հայրը նոր եռանդով շարունակէ իր եկեղեցասէր եւ ազգանուէր առաքելութիւնը։

Սիմէոն քհն. Կարապետեան իր քարոզին մէջ շնորհակալական խօսք ուղղեց վեhափառ հայրապետին, սրբազան հօր եւ եկեղեցւոյ Թաղական խորհուրդին ծաղկեայ փիլոն ստանալուն առիթով եւ խոստացաւ առաւելագոյնս ծառայել իր հօտին։

 

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին