Սկաուտական շարժումը կը մնայ ՀԲԸՄ-ՀԵԸ-ի ամենակարեւոր միաւորներէն մէկը: ՀԵԸ Անդրանիկ Անթիլիաս եւ ՀԵԸ Անդրանիկ Սեւան տարեկան բարեյաջող բանակումէն եւ խարուկահանդէսէն ետք, հանդիսաւոր արարողութեամբ վերսկսան իրենց նոր տարեշրջանի աշխատանքներուն:
Մեր սկաուտական զոյգ մասնաճիւղերը ՀԲԸՄ-ի Տեմիրճեան կեդրոնի եւ ՀԲԸՄ-ՀԵԸ-ի Զապէլ Մովսէսեանի կեդրոնի իրենց ակումբներուն մէջ կը նախապատրաստեն ձմեռնային բանակումներու, ներքին եւ արաքին ձեռնարկներու ժամանակացոյցը, կը կազմակերպեն դաստիարակչական հաւաքներ եւ հանդիպումներ: Անոնք ակումբային ջերմ մթնոլորտի մէջ, կը հաւաքեն սկաուտական գիտելիքներ, կը ծանօթանան ՀԲԸՄ-ի, ՀԵԸ-ի պատմութեան եւ սկաուտական կեանքի աւանդութիւններուն:
Յաջողութիւն մեր սկաուտական շարժումներուն:
ՀԵԸ-Ի ՄԱՄԼՈՅ ԵՒ ՏԵՂԵԿԱՏՈՒԱԿԱՆ ԳՐԱՍԵՆԵԱԿ
