Հազարաւոր համալսարանական եւ դպրոցական աշակերտներ յեղափոխութեան 22րդ օրը շարունակեցին պետական հաստատութիւններու առջեւ համախմբուիլ եւ ցոյցեր կազմակերպել:
Պէյրութի Կեդրոնը, Ելեկտրականութեան հաստատութիւնը, Զուքի ելեկտրակայանը եւ այլ հաստատութիւններ ականատես եղան այս շարժումին: Նախկին վարչապետ Ֆուատ Սանիորայի բնակարանին առջեւ ալ մեծ թիւով աշակերտներ հաւաքուեցան իր դէմ արձակելով շարք մեղադրանքներ հանրութեան պատկանող գումարներ իւրացուցած ըլլալու յանցանքով: Թրիփոլին անմասն չէր նմանօրինակ ցոյցերէ:
Կրթութեան նախարար Աքրամ Շըհայյէպ կոչ ուղղեց աշակերտութեան իրենց իրաւունքը հանդիսացող ցոյցերը կատարեն դպրոցական ժամերէ դուրս:
Աշակերտութիւնը բողոքեց ուսումնառութեան բարձր գինին դէմ ինչպէս նաեւ անգործութեան երեւոյթին:
