Կիրակի, 26. 05. 2024

spot_img

Նասրալլա Կոչ Ըրաւ Նոր Կառավարութեան մը Արագ Կազմութեան

Իր սովորականէն շատ աւելի մեղմ ելոյթով մը հանդսէ երէկ եկաւ Հըզպալլայի առաջնորդ Հասան Նասրալլա: Հեռասփռուած ելոյթով մը ան կոչ ըրաւ արագ կերպով կառավարութիւն մը կազմել, որ ժողովուրդին վստահութիւնը կը վայելէ եւ կարողութիւնը կ՛ունենան լսել ժողովուրդին:

Ան ըսաւ, որ վերջին երկու շաբթուայ իր հիմնական մտահոգութիւնը երկիրը քաղաքական պարապէ հեռու պահելն էր:

Ան հաստատեց, որ անցնող շաբաթներու ցոյցերը համայնքներէ զերծ իրավիճակ մը պարզեց երկրին մէջ, ուր երիտասարդներ հակառակ իրենց պատկանելիութեան տարբերութեան կողք կողքի մէկ պահանջով հանդէս եկան:

Երէկ առաւօտեան դրամատնային համակարգը իր դռները բացաւ: Երկրի ամբողջ տարածքին դրամատուներու մասնաճիւղերը աննախընթաց խճողում մը ունեցան:

Դրամատնային աշխատանքային ժամը երէկ բացառաբար երկար եղաւ, որ պիտի շարունակուի նաեւ այսօր:

Դրամատուներուն մէջ սովորական գինով սակայն շուկայի վրայ երէկ տոլարին գինը 1660ի:

Երէկ նոյնպէս ցուցարարները շարունակեցին իրենց բողոքը հանրապետութեան նախագահէն պահանջելով արագ ժամանակամիջոցի մէջ վարչապետ նշանակել եւ անցնիլ նախարարաց խորհուրդի կազմութեան:

Լիբանանեան բանակը երէկ ամբողջ օրուայ ընթացքին փորձեց ճամբաները բանալ,  գտնուելով ամէն տեղ:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին