Երգի Մը Պատմութիւնը -29-
ԱՆԱՀԻՏ ԿՕՇԿԱՐԵԱՆ
«Զարթօնք»ի Աշխատակից
Stop երգը բրիտանացի երգչուհի Սամանթա (Սամ ) Պրաունի ամենայայտնի երգն է։ Ան բրիտանական հիթ-շքերթին առաջատար դիրքերուն վրայ մնաց աւելի քան 12 շաբաթ , վաճառուելով հազարաւոր օրինակով և երգչուհիին յայտնի դարձնելով ամբողջ աշխարհով մէկ։ Թէեւ ան երգչուհիին ամենավառ եւ ամենայայտնի երգերէն մէկն է, այնուամենայնիւ ան չի համարուիր իր լաւագոյն ստեղծագործութիւնը ։
Քանի որ երգի հեղինակը նոյնինքն՝ երգչուհին է, երգի թողարկումէն յետոյ բոլորը կարծեցին, որ այնտեղ տեղ գտած են երգչուհիին անձնական ապրումները: Այս ենթադրութեան ի պատասխան երգչուհին հարցազրոյցներու ժամանակ յայտարարեց, որ երգը պարզապէս պահին ազդեցութեամբ գրուած երգ է, եւ ոչ մէկ կապ ունի անձնական ապրումներուն հետ։ Ան կը պատմէ ․ «Սովորաբար երգը գրելու ժամանակ ամենադիւրին ձեւն է ինձ համար, երբ ես մօտաւորապէս գիտեմ բնագրի հիմնական գաղափարը, կամ առանցքային բառերը։ Երբ պատրաստ են բնագիրն ու բառերը, մեղեդի գրելը աւելի հեշտ կը դառնայ։ «Սթօփ» երգի պարագան էլ նոյնն է։ Ես գրեցի զայն ճանապարհին վրայ , երբ կը ճամփորդէի դէպի Քալիֆորնիա, ուր իմ ձայնագրման սթիւտիոյի տնօրէնը զիս կ՛ուղարկէր հանգստանալու Լոս Անճելըսի լողափերուն վրայ, լիցքաւորուելու նոր միտքերով և ստեղծագործելու։ Չեմ կրնար ըսել թէ այդ իմ սրտովն էր, մանաւանդ, որ չյաջողեցայ հանգստանալ: Կ՛ըսեմ աւելին, ես կը կարծեմ, որ այդ վատագոյն բանն էր, որ կրնային մտածել ինձ համար։ Այնուամենայնիւ մի քանի լաւ երգեր ես յաջողեցայ ստեղծագործել այդ օրերուն։ Անոնցմէ մէկը «Սթոփն» է, որ ես գրեցի Լոս Անճելըսի մայրուղիներէն մէկով ընթանալու պահուն։ Այդ ժամանակ ես 19 տարեկան, պզուկոտ երեսներով , անհասկանալի տաբատով ու գլխարկով աղջիկ էի եւ այս բանը ինձ շատ դուր կու գար»։
«Ես երգը գրեցի 1986 թուականին։ Իրականին մէջ ան ոչ մէկ կապ ունի իմ անձնական զգացողութիւններուն կամ կեանքին հետ։ Ան ինքնակենսագրական չէ։ Այո, ան շատ տխուր եւ զգացական երգ է, եւ երեւի այդ է պատճառը, որ մարդիկ կարծած են, որ եթե նման յուզիչ երգ գրած եմ, ուրեմն անպայման ան իմ սիրոյ պատմութիւնն է»,-յայտնած է Սամը։
Երգը թողարկուեցաւ 1988 թուականին, ու բրիտանական հիթ-շքերթին 42-րդ տեղը զբաղեցուց։ Մէկ տարի անց այն վերաթողարկուեցաւ՝ այս անգամ նոյն հիթ-շքերթին մէջ զբաղեցնելով 4-րդ տեղն ու այնտեղ մնալով 12 շաբաթ շարունակ ։ Երգը յայտնի դարձաւ ու զբաղեցուց նաև Իռլանդիայի, Պելճիքայի, Նորուէյի և եւրոպական այլ երկիրներու ազգային հիթ-շքերթները։
Այնուամենայնիւ, Սամը այս երգը չի համարէր իր լաւագոյն ստեղծագործութիւնը։ «Հարցուցէք ոեւէ ունկնդիրի, ով ծանօթ է իմ երգերուն, թէ որ մէկն իմ լաւագոյն ստեղծագործութիւնը եւ ան կը պատասխանէ «43 Վայրկեան» ալպոմը, անոնք չեն ըսեր «Սթոփ»-ը ։ Ան իմ իրական արտացոլումը չէ, ինչպէս «43 Վայրկեան»ն է»,- կ՛ըսէ Սամը։
2004 թուականին երգը վերաերգուեց Ժամելիան՝ «Պրիժիդ Ճոնս․Ողջամտութեան սահմանը» (Bridget Jones: The Edge of Reason) ֆիլմի համար։ Այն նաեւ « Դառը Լուսին» (Bitter Moon) ֆիլմին մէջ գործածուեցաւ որպէս թեմաթիկ երգ։
«Այն ամէն ինչը, որ ես կ՛ուզեմ, նստիլ դաշնամուրի մօտ և գրել երգ չմտածելով «Սթոփ» երգը կրկնօրինակելու մասին»։ Սամ Պրաուն
