«ԶԱՐԹՕՆՔ», ՊԷՅՐՈՒԹ –Լիբանանի Խորհրդարանի Նախագահ Նապիհ Պըրրի կոչ ուղղեց կառավարութեան երկրին տնտեսական իրավիճակին բարելաւումը իր առաջնահերթութիւնը սեպել եւ անոր վրայ յատուկ ուշադրութիւն կեդրոնացնել, որքան ալ այլ հարցեր ճնշող եւ անյետաձգելի ըլլան:
«Տօնական օրերը յաջորդող այս ժամանակամիջոցը պէտք է ըլլայ աշխոյժ եւ պտղաբեր». ըսաւ ան: «Երկրին պետական երկու կարեւոր հաստատութիւնները՝ Կառավարութիւնն ու խորհրդարանը պէտք է լաւագոյնս արտադրեն երկրին բարելաւութեան համար», շարունակեց ան:
Նապիհ Պըրըի այս յայտարարութիւնները ըրաւ Այն էլ Թինիի իր նստավայրը այցելողներուն դիմաց:
Իր կողմէ Ֆինանսներու նախարար Ալի Հասան Խալիլ յայտարարեց, որ երկրին տնտեսութեան փրկութիւնը մեծապէս կախեալ է երկրին քաղաքական ուժերուն լրջութենէն եւ պատասխանատուութեան գիտակցութենէն:
