Երկուշաբթի, 22. 04. 2024

spot_img

ՌԱԿ Կեդրոնական վարչութեան պատուոյ անդամ Ընկ. Յակոբ Նազարեանի այցը Արցախ

ՆՈՐ ՕՐ, ԼՈՍ ԱՆՃԵԼԸՍ. Արցախի Ռամկավար Ազատական Կուսակցութեան հրաւէրով, Արցախ այցելած էր ՌԱԿ Կեդրոնական վարչութեան պատուոյ անդամ՝ մեծարգոյ ընկեր Յակոբ Նազարեանը:

Այցելութեան առաջին օրը, յարգարժան ընկերը, շինարարական փոքրիկ դասախօսութիւն կարդաց Շուշիի Արհեստագիտական համալսարանի շինարարական բաժնի խումբ մը ուսանողներուն, պատասխանեց անոնց հարցումներուն: Ուսանողներու խանդավառութեան ի տես, Ընկ. Նազարեանը խոստացաւ յաճախակի դարձնել նման արդիւնաւէտ հանդիպումները:

Յաջորդ օրը Ընկ. Յակոբ Նազարեանը Արցախի ՌԱԿ գրասենեակէն ներս հանդիում ունեցաւ խումբ մը կուսակցական երիտասարդներու հետ: Հանդիպման ընթացքին քննարկուեցան Արցախի ճանաչման ու զարգացման վերաբերող, ինչպէս նաեւ շարք մը ծրագիրներ, միտուած՝ կուսակցութեան շարքերը երիտասարդներով համալրելու եւ Արցախի ու սփիւռքի երիտասարդութեան կապը ամրապնդելուն:

Ընկ. Յակոբ Նազարեան շնորհակալութիւն յայտնեց Արցախի Ռամկավար Ազատական Կուսակցութեան ատենապետ Ընկ. Բարդուղ Գալստեանին,  ջերմ հիւրընկալութեան համար եւ յաջողութիւն մաղթեց, խոստանալով իր աջակցութիւնը բերել յատկապէս Արցախի երիտասարդութեան զարգացման ծրագիրներուն։

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին