«ԶԱՐԹՕՆՔ», ՊԷՅՐՈՒԹ – Ֆիթրի տօնին նախորդող գիշերը՝ Փետրուար 3-ին, Թրիփոլիի մէջ լիբանանցի չորս զինծառայող սպաննած եւ այնուհետեւ անձնասպան եղած հրաձիգին նպատակը «վրէժ»-ն էր: Այս մասին յայտարարեց նախագահ Միշէլ Աուն։
Նախնական տուեալներուն համաձայն՝ Թրիփոլիի մէջ իրականացուած ահաբեկչական գործողութիւնը «վրէժ էր Լիբանանեան բանակի եւ ներքին անվտանգութեան ուժերու»-ն դէմ։ Այս մասին, Պաապտայի պալատին մէջ կայացած անվտանգութեան հանդիպման ժամանակ յայտարարեց նախագահը:
Հանդիպման ներկայ էին լիբանանեան բանակի հրամանատար՝ զօրավար Ժոզէֆ Աուն, ներքին անվտանգութեան ուժերու գլխաւոր շտապի պետ, զօրավար-հրամանատար Իմատ Օսման, պաշտպանութեան նախարար Էլիաս Պու Սաապ, ինչպէս նաեւ բանակի եւ ներքին անվտանգութեան հետախուզութեան բաժիններու ղեկավարները:
