«ԶԱՐԹՕՆՔ», ՊԷՅՐՈՒԹ – Յունաստան դատապարտած Է Թուրքիոյ անօրինական գործողութիւնները Կիպրոսի բացառիկ տնտեսական գօտիի մէջ եւ պահանջած Է դադրեցնել զանոնք: Այդ մասին, ինչպէս կը տեղեկացնԷ «Արմէնփրես», յայտարարած Է Յունաստանի արտաքին գործերու նախարար Ճորճիոս Քաթրուկալոս Թուրքիոյ իր պաշտօնակից Մեւլութ Չաւուշօղլուի հետ Հելսինկիի մէջ կայացած հանդիպումէն ետք:
Աւելի վաղ Անգարան «Ֆաթիհ» նաւը ուղարկած է Կիպրոսի բացառիկ տնտեսական գօտի, ուր կազի հանքավայրեր յայտնաբերուած են: Թուրքիան կը գտնԷ, որ իրաւունք ունի տարածաշրջանի բնական հարստութիւններու նկատմամբ: «Ես ամենախիստ ձեւով յայտնեցի, որ մենք կը դատապարտենք Թուրքիոյ միակողմանի ապօրինի գործողութիւնները Կիպրոսի բացառիկ տնտեսական գօտիի մէջ եւ կը պահանջենք դադրեցնել զանոնք»,-ըսած Է Քաթրուկալոս Անոր յայտարարութիւնը տարածած Է ԱԳ նախարարութեան մամուլի ծառայութիւնը:
«Միեւնոյն ժամանակ մենք քննարկեցինք Էգէյեան ծովի մէջ լարուածութիւնը մեղմելու, մեր օդային տարածութեան խախտումները դադրեցնելու անհրաժեշտութիւնը»,-աւելցուցած է ան, հաղորդեց ՌԻԱ Նովոսթին:
