Կիրակի, 20. 04. 2025

spot_img

Հաթերքի Մէջ Իրականացաւ «Ժենգեալով Հաց»-ի Ամենամեայ 2-րդ Փառատօնը (լուսանկարներ)

Արցախի Հանրապետութեան Հաթերք գիւղին մէջ, Մայիս 12-ին, տեղի ունեցաւ «Ժենգեալով հաց»-ի փառատօնը։ Այս մասին կը հաղորդէ https://nt.am-ը։

Երկրորդ անգամ իրականացուող փառատօնը կազմակերպուած էր «Էկոտուրիզմն Արցախում» նախաձեռնութեան եւ «Հզօր Հաթերք» ծրագրի ծիրէն ներս: Նպատակն է մեծցնել համայնքին ճանաչելիութիւնը, նպաստել զբօսաշրջութեան զարգացման։

Գիւղին կեդրոնը տեղադրուած շուրջ 120 տաղաւարներէն մեծ մասը, մեծ ու փոքր իրարու օգնելով՝ պատրաստած են արցախեան յայտնի ժենգեալով հացը, որ համտեսելու համար մարդիկ հատած են հազարաւոր քիլոմեթրեր:

Հաթերք այցելած հիւրերուն ամենամեծ հերթը գոյացած է այն տաղաւարին մօտ, ուր խումբ մը հադրութցիներ թխած են աշխարհի ամենամեծ ժինգելալով հացը՝  303 սմ երկարութեամբ:

Տօնական միւս տաղաւարներուի մէջ, հաթերքցիները հնարաւորութիւն ունեցած են ցուցադրելու եւ վաճառելու նաեւ տնական պահածոներ, օղի, մեղր, չիրեր, ձեռագործ աշխատանքներ:

«Ժենգեալով հաց»-ի ամենամեայ փառատօնը ուղեկցուած է ուրախ երգ ու պարով՝ ապահովելով մասնակիցներուն բարձր տրամադրութիւնը:

Նշենք, որ Ժենգեալով հացը, որուն պատրաստման աւանդոյթը կու գայ շատ հին ժամանակներէ, արցախեան խոհանոցի ամենացանկալի ուտեստներէն մէկն է։ Անիկա կը պատրաստուի խառնելով՝ կանաչ սոխ ու սխտոր, համեմ, սամիթ, վայրի սպանախ, ճռճռուկ, կնձմնձունկ, թրթնջուկ եւ նմանատիպ շուրջ 25 տեսակ թարմ կանաչեղէններ։

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

Ելեկտրոնային Գրադարան

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին