«ԶԱՐԹՕՆՔ», ՊԷՅՐՈՒԹ – 16 տարիներու ամենաանձրեւոտ ձմեռէն ետք՝ այսօր Լիբանանի համար կ՝ակնկալուի 2019-ի ամենատաք օրը։ Կարգ մը շրջաններու մէջ ջերմաստիճանը կը բարձրանայ աւելի քան 30*C:
«Ջերմաստիճանը Երկուշաբթի կ՝ըլլայ անսպասելիօրէն բարձր: Մայիսեան ջերմաստիճանը սովորաբար կը կազմէ 27.3*C»,- ըսաւ Պէյրութի օդակայանի օդերեւութաբանական բաժնի ղեկավար Ապպաս Օպէյտ:
Ջերմաստիճանի յանկարծակի բարձրացումը արդիւնք է Հիւսիսային Ափրիկէէն հասնող տաք հոսանքի մը, որ աստիճանաբար կ՝ազդէ Միջերկրական ծովի արեւելեան շրջանին վրայ: Երեքշաբթի օր կը սպասուի ջերմաստիճանի անկում՝ տատանուելով 13-24 աստիճանի մէջ, որ իր հետ կը բերէ ամպեր եւ անձրեւ։