ԶԱՐԹՕՆՔ», ՊԷՅՐՈՒԹ – Լիբանանի բոլոր այն վայրերուն մէջ, որոնք ունին 1500 մեթր եւ աւելի բարձրութիւն, շաբաթավերջին կը սպասուի ձիւն՝ նկատի առնելով, որ երկիրը պիտի գտնուի ցուրտ քամիներու եւ ցած ճնշման տակ:
Պէյրութի օդակայանի օդերեւութաբանական բաժինին փոխանցած տեղեկութիւններով՝ Հինգշաբթի օրուան ջերմաստիճանը ցած եղած է միջին տարեկան մակարդակէն։
Սակայն, այսօր, կը սպասուին քամիներ՝ որոտումներով եւ անձրեւներով, իսկ շաբաթավերջին՝ ձիւն կը սպասուի 1500 մ բարձրութիւններուն վրայ:
Շաբաթ կը սպասուին նոյնանման վիճակներ, եւ ցած ճնշման դրութիւնը կը շարունակուի մինչեւ Կիրակի գիշեր: