«ԶԱՐԹՕՆՔ», ՊԷՅՐՈՒԹ – Միհրան Ռուբէնի Սոսոյեան (1928, Ապրիլ 15, Երեւան – 1992, Փետրուար 12, Երեւան), կրաֆիգ, ձեւաւորող, վաստակաշատ մանկավարժ, ԽՍՀՄ վաստակաւոր նկարիչ (1967)։
1948 թուականին աւարտած է Երեւանի Փանոս Թերլեմեզեանի անուան գեղարուեստի ուսումնարանը, 1954 թուականին՝ Երեւանի պետական գեղարուեստա-թատերական հիմնարկը։ 1956 թուականէն մասնակցած է ցուցահանդէսներու, արժանացած է մրցանակներու եւ մետալներու։ 1964 թուականէն եղած է «Հայաստան» հրատարակչութեան գլխաւոր նկարիչը։ 1967 ստացած է ԽՍՀՄ վաստակաւոր նկարիչի կոչում։ 1968 թուականէն եղած է Հայաստանի հրատարակչական պետական կոմիտէի գլխաւոր նկարիչ։ 1975 թուականէն դասաւանդած է Երեւանի պետական գեղարուեստա-թատերական ուսումնարանէն ներս։
