Երեքշաբթի, 18. 02. 2025

spot_img

Քաղաքագետը Փաշինյանի այցը Ստրասբուրգ համարում է բոլոր ուղղություններով հարաբերությունների զարգացման նշան

Քաղաքական փորձագետ Ռուբեն Մեհրաբյանը կարծում է, որ ՀՀ վարչապետ Նիկոլ Փաշինյանի ստրասբուրգյան այցն ու ելույթը Եվրոպայի խորհրդի խորհրդարանական վեհաժողովին վկայում են այն մասին, որ Հայաստանը իր հարաբերությունները զարգացնում է տարբեր ուղղություններով:

«Արմենպրես»-ի հաղորդմամբ՝ Մեհրաբյանը նման տեսակետ հայտնեց լրագրողների հետ հանդիպմանը:

«Վարչապետ Փաշինյանի ստրասբուրգյան այցելությունն էլ ավելի է կարևորվում նաև այն առումով, որ Հայաստանն իր հարաբերությունները զարգացնում է բոլոր ուղղություններով և սա բխում է նաև Հայաստանի անվտանգության շահերից: Այստեղ ոչ միայն մարդու իրավունքների, ոչ միայն ժողովրդավարական չափումն է, այլ անվտանգության»,-ասաց քաղաքագետը:

Նա նկատեց, որ Հայաստանը վաղուց է հայտարարել, որ իր հարաբերությունները զարգացնելու է բոլոր ուղղություններով: Քաղաքագետը նկատեց՝ ընդ որում ոչ մի ուղղություն չի լինելու մյուս հաշվին կամ դեմ: Այսինքն՝ ամեն ուղղություն արժևորվում է առանձին:

Եվրոպայի խորհրդի խորհրդարանական վեհաժողովի գարնանային նստաշրջանի նիստում ապրիլի 11-ին մասնակցություն էր ունեցել նաև ՀՀ վարչապետ Նիկոլ Փաշինյանը: Նա հանդես էր եկել ելույթով, այնուհետև պատասխանել տարաբնույթ հարցերի:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին