«ԶԱՐԹՕՆՔ», ՊԷՅՐՈՒԹ – Լիբանանի Հանրապետութեան ուժաբանութեան նախարար Նատա Պուսթանի վստահութիւն յայտնեց, որ նախարարաց խորհուրդը յառաջիկայ օրերուն պիտի վաւերացնէ իր նախարարութեան՝ ելեկտրանութեան ոլորտին մէջ բարեփոխումներ կատարելու նպատակով յառաջադրած ծրագիրը:
«Ելեկտրականութեան ծրագիրին հետ կապուած կան յաւելեալ մանրամասնութիւններ, որոնք պէտք է մանրակրկիտ քննարկումի ենթարկուին, բայց կը հաւաստիացնեմ, որ անակնկալ խնդիրներու դէմ յանդիման պիտի չգտնուինք, քանի որ բոլորը կը գիտակցին ելեկտրականութեան պակասորդը նուազեցնելու կարեւորութիւնը»,– ըսաւ Պուսթանի:
Նշենք, որ Փետրուար 21-ին ծրագիրը ներկայացուեցաւ նախարարաց խորհուրդին, իսկ Ապրիլ 4-ին զայն հաստատեց նախարարաց խորհուրդը, որոշ դրոյթներ փոփոխութեան ենթարկելէ ետք: