«ԶԱՐԹՕՆՔ», ՊԷՅՐՈՒԹ – ՀՀ ԱԺ նախագահ Արարատ Միրզոյեանի գլխաւորած պատուիրակութիւնը Ապրիլ 6-ին քառօրեայ պաշտօնական այցով կը մեկնի Քաթարի Պետութիւն՝ մասնակցելու Միջխորհրդարանական միութեան 140-րդ վեհաժողովի աշխատանքներուն:
Ինչպէս կը տեղեկացնեն ՀՀ ԱԺ-ի լրատուութեան եւ հանրութեան հետ կապերու վարչութենէն, խորհրդարանի նախագահի գլխաւորած պատուիրակութեան կազմին մէջ են ԱԺ տարածաշրջանային եւ եւրասիական համարկումի հարցերու մշտական յանձնաժողովի նախագահ Միքայէլ Մելքումեանը, ԱԺ պետական-իրաւական հարցերու մշտական յանձնաժողովի նախագահի տեղակալ Աննա Կարապետեանը, ԱԺ «Իմ քայլը» խմբակցութեան ղեկավար Լիլիթ Մակունցը, ԱԺ գիտութեան, կրթութեան, մշակոյթի, սփիւռքի, երիտասարդութեան եւ մարմնակրթութեան հարցերու մշտական յանձնաժողովի նախագահի տեղակալ Յովհաննէս Յովհաննիսեանը, ԱԺ պատգամաւորներ Սրբուհի Գրիգորեանը, Արման Բոշեանը, Շաքէ Իսայեանը եւ ԱԺ աշխատակազմի ղեկավար-գլխաւոր քարտուղար Տիգրան Գալստեանը: