Շաբաթ, 15. 02. 2025

spot_img

ԱՄՆ-ը Եւ Չինաստանը Կրնան Առեւտուրի Շուրջ Համաձայնութեան Հասնիլ Մէկ Ամսուան Ընթացքին. Թրամփ

«ԶԱՐԹՕՆՔ», ՊԷՅՐՈՒԹ – ԱՄՆ-ի նախագահ Տոնալտ Թրամփ յայտարարած է, որ Ուաշինկթընի մէջ Չինաստանի հետ առեւտրական տարաձայնութիւններու շուրջ բանակցութիւններուն կարելի եղած է յառաջընթացի հասնիլ, կը հաղորդէ «Արմէնփրես»-ը:

«Մենք մօտ ենք գործարք կնքելու: Սա չի նշանակեր, թէ գործարքը արդէն գոյութիւն ունի, բայց մենք, անտարակոյս, անոր շատ աւելի մօտեցած ենք»,– ըսած է Միացեալ Նահանգներու նախագահը: Ան նշած է. «Կը կարծեմ, թէ յաջորդ չորս շաբթուան ընթացքին հաւանական է,  որ ինչ-որ կարեւոր բանի մասին յայտարարութիւն կատարուի»: ՉԺՀ-ի նախագահ Շի Ճինփինկ նոյնպէս կը կարծէ, որ բանակցութիւններուն յաջողած են լրջօրէն յառաջ շարժիլ ԱՄՆ-ի հետ առեւտրական համաձայանագրի պատրաստութեան ուղղութեամբ: «ՉԺՀ-ի նախագահ Շի Ճինփինկ ամերիկացի պաշտօնակիցին յղած ուղերձին մէջ յայտարարած է, որ չին-ամերիկեան առեւտրատնտեսական համաձայնագրի պատրաստութեան էական յառաջընթաց ձեռք բերուած է»,– նշած է «Սինհուա» գործակալութիւնը: Չինաստանի ղեկավարի բանաւոր ուղերձը Տոնալտ Թրամփի հետ կայացած հանդիպումին փոխանցած է ՉԺՀ-ի Պետական խորհուրդի փոխվարչապետ Լիւ Հեն, որ բանակցութիւններուն կը գլխաւորէ Չինաստանի պատուիրակութիւնը: Ան նոյնպէս նշած է ձեռք բերուած յառաջընթացը, հաղորդած է «Ինթերֆաքս»-ը:

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին