«ԶԱՐԹՕՆՔ», ՊԷՅՐՈՒԹ – Մուֆթի շեյխ Ապտըլ Լաթիֆ Տըրիան նախազգուշացուց պառակտիչ հռետորութենէն՝ ընդգծելով Լիբանանի քաղաքական գործիչներու համերաշխութեան եւ միասնականութեան հրամայականը՝ ի խնդիր կաշառակերութեան եւ այլ մարտահրաւէրներու հանգուցալուծումին:
«Ինչպէ՞ս կարելի է բարեփոխում կատարել մեղադրանքներու, վիրաւորանքներու եւ վրէժխնդրութեան մթնոլորտի մէջ,– ըսաւ շեյխ Տըրիան հեռարձակուող ուղերձի ժամանակ եւ աւելցուց:– Լիբանանցի ժողովուրդը պարտի կողք-կողքի կանգնիլ եւ վստահութիւն տածել կառավարութեան նկատմամբ՝ ի կատարումն խոստացուած տնտեսական բարեփոխումներու՝ արմատախիլ ընելով կաշառակերութիւնը պետական կարգ մը կառոյցներէն»:
Մուֆթի Շեյխը Կը Կարեւորէ Լիբանանի Քաղաքական Գործիչներու Միասնականութիւնը՝ Ի Կատարումն Խոստացուած Բարեփոխումներու
