«ԶԱՐԹՕՆՔ», ՊԷՅՐՈՒԹ – Լիբանանի Հանրապետութեան խորհրդարանի նախագահ Նապիհ Պըրրի Կիրակի յետմիջօրէին պաշտօնական այցով ժամանեց Իրաքի Հանրապետութիւն, ինչը, Պըրրիի խօսքով, պիտի նպաստէ Պաղտատի եւ Պէյրութի յարաբերութիւններու զարգացումին եւ ամրապնդումին:
Իրաքցի գործընկերոջ՝ Մուհամմատ Ալ Հալպուսիի հրաւէրով Իրաք ժամանած Պըրրի հանդիպում պիտի ունենայ Իրաքի շիա այաթոլլա Ալի Սիսթանի եւ շարք մը այլ պաշտօնատարներու հետ:
«Մեծապէս ուրախ եմ այստեղ գտնուելուս համար: Իսլամական պետութիւն ահաբեկչական խմբաւորումի պարտութենէն եւ ահաբեկչութեան դէմ պայքարի յաղթանակէն ետք, բարգաւաճում կը մաղթեմ բարեկամ Իրանին»,– լրագրողներու հետ զրոյցի ընթացքին ըսաւ Պըրրի՝ միասնութեան կոչ ընելով Իրաքի ժողովուրդին: