«ԶԱՐԹՕՆՔ», ՊԷՅՐՈՒԹ – Հայաստան ընտրուած է Միացեալ ազգերու կազմակերպութեան (ՄԱԿ) Կանանց կարգավիճակի հարցերով յանձնաժողովի 64-րդ եւ 65-րդ նստաշրջաններու նախագահող: Ինչպէս կը հաղորդէ «Արմէնփրես»-ը, այս մասին Facebook-ի իր էջին վրայ գրած է ՀՀ աշխատանքի եւ ընկերային հարցերու նախարար Զարուհի Բաթոյեանը:
«Կը շնորհաւորեմ բոլորս: Նստաշրջանը ՄԱԿ-ի երկրորդ ամենամեծ իրադարձութիւնն է Ընդհանուր ժողովէն ետք: Հայաստանը յանձնաժողովի անդամ ընտրուած է 2019 – 2023 ժամանակահատուածի համար»,- յայտնած է ան։