«ԶԱՐԹՕՆՔ», ՊԷՅՐՈՒԹ –Ամերիկայի Միացեալ Նահանգներու արտաքին գործոց նախարար Մայք Փոմփէօ մեղադրեց Հզպալլան՝ Լիբանանի պետական պաշարները կորզելուն համար:
«Հզպալլա կը թալանէ Լիբանանի պետական պաշարները, որոնք իրաւացիօրէն կը պատկանին ժողովուրդին»,- Լիբանանի Հանրապետութեան արտաքին գործոց նախարար Ժպրան Պասիլի հետ մամլոյ համատեղ ասուլիսին ըսաւ Մայք Փոմփէօ:
«Քաղաքական խոստումներով կամ ահաբեկութեան միջոցով Հզպալլա «յաջողած է» ներգրաւուիլ ոչ միայն Լիբանանի խորհրդարանին, այլ նաեւ այլ պետութիւններու կառոյցներուն մէջ, եւ այնպէս կը ձեւացնէ, թէ ան զօրավիգ կը կանգնի պետութեան»,- ըսաւ Փոմփէօ՝ շեշտելով, որ Հզպալլա կը խոչընդոտէ ժողովուրդի երազները, ձգտումներն ու հեռանկարները: