«ԶԱՐԹՕՆՔ», ՊԷՅՐՈՒԹ – Իրանցի բարձրաստիճան զինուորականներ կարեւոր յայտարարութիւններ ընելով, նշած են, որ Իրան ամբողջովին պիտի հակազդէ իսրայէլեան որեւէ քայի:
Կը նշուի նաեւ, որ այս յայտարարութիւնները տեղի կ’ունենան այն պահուն, երբ իսրայէլեան մէկէ աւելի աղբիւրներ կը նշեն, որ իրենք մտադիր են Պարսից Ծոցին մէջ գտնուող իրանեան նաւթատար նաւերը թիրախ դարձնել:
Իր կարգին «Ռոյթըրզ» լրատուական գործակալութիւնը յղում ընելով իրանցի բարձրաստիճան պաշտօնեաներու, նշած է, որ իրանցիք աչալրջօրէն կը հետեւին իսրայէլեան շարժումներուն եւ անոնք պատրաստ են արագօրէն հակազդելու իսրայէլեան որեւէ յարձակման փորձի: